نبض القصيدة
قصيدة اعجبتني وارجـــــــــــو ان تنال اعجابكم
في ذمتي نبض المشاعر "أنت" وعيونك قصيدة ،،،
مايوالفها ويترجم سرها ياكود حالى .......
في ذمتي لو قلت دمي هو الغلا و حبك وريده ،،،
وإنك أصلا لي تظير العين و الشوف غالي....
ما أبالغ والحقيقة عشتها بجوفي وليده ،،،
يكفي إني من سببها صرت شاعر في خيالي ...
فيك ميزه دون غيرك والعشق في ايدي قيده ،،،
تمتلك مفتاح قيدي بالهوى ياطيب فالي ...
صرت أقرب من ضلوعي للصدر وللقلب سيده،،،
وصار بيتك في ملاذه بالفكر مبناه بالي ....
ولو بدا العالم غيابة مالهم عندي فقيده ،،،
إلاحبك لا فقدته صار عندي الكون خالي ....
عيش بي واسكن عيوني ياحزن قلبي و عيده ،،،
يكفي إني لا غفيتك طاب لي النوم وهنا لي ...
أنت لو تجرح خفوقي و تذبحة بجرم و مكيده ،،،
مابقول إلا حلا لك لو شهيق الموت جالي ....
أطرد إجزال المعاني كني صياد و طريده ،،،
وانت معنى لو وصفته مايجي ثلث اختزالي ....
ماكتبت الشعر شهره وانتظر نشر الجريده ،،
ماكتبت إلا لأني عاشق و عشقي شمالي ....
وحتى لو كانت ديارك فآخر الدنيا البعيده ،،،،
تبقى خلي من عشقتك لآخر أنفاس ارتحالي ..
نفسي أعرف وش شعورك لاخفق نبض القصيدة ،،،
وبعد ماتقرا شعوري ليتك اتجاوب سؤالي ...
موضوع: نبض القلوب 
السبت يونيو 11, 2011 5:01 pm
