ازيك ياريس وازيى الحكومه

ازيك ياريس وازيى الحكومه




ازيك ياريس
وازيى الحكومه
شعبك مهييس
واوعوا تلومونا
مصهلل
متيس
وواخد صابونه
منك ياريس






ازيك ياريس
وازيى الحكومه
فى عهدك ياريس احنا انتهينا
وتوهنا فى بلدنا ماحنا اتعمينا
سرقنا وشحتنا واتمدت ايدينا
كرهنا الدنيا ودارت علينا





ازيك ياريس

وازيى الحكومه

صبرنا ياريس لحد الكفايه

وقولنا نسايس لحد النهايه

ونحلم ببكرة ونعمل بدايه

وحكومتك ياريس تالف حكايه

ونحزن وبكى ياريس كفااايه







ازيك ياريس
وازيى الحكومه
عايزين من الشعب ايه عرفونا
يمكن ننفض ونعصر لمونه
خنقتونا وموتونا وكفرتونا
تعرف ياريس
ناقص تاكلونا






ازيك ياريس
وازيى الحكومه
عايزين نحلم ببكرة
ونعمل انجاز
بدل مانموت فى روحنا
ونولع فى نفوسنا بجاز
سمعنا عن بترول وفحم وغاز
درسنا الحضارة وعظمه الفراعنه
خوفو وخفرع وكليوبترا
وقرينا حكايات
فاكرها ياريس
ول اللى فات مات ؟؟

اللى فات مات ؟
كويس كويس
ازيك ياريس






زيك ياريس
وازيى الحكومه
اعلامك ياريس تحت السيطرة
مسئولك ياريس مركب حنجرة
بيعرف يثبت ويعمل استرة
بيحلل نفاق وحبه منظرة
ووعود حكومه عايزة الصنفرة
دى الناس ياريس جيوبها ماشفرة
كان لازم ننفجر ونعبر عن ارادتنا
الخوف ياريس خانقنا مموتنا
وحب مصر بلدنا هو اللى مسكتنا
بس حكومه بلدنا واقفه فى سكتنا
خلالالاص شبعنا اااهات
واحنا نزلنا يوم التلات
علشان نضرب سلامات
ونبان معاك فى الصورة
ونقولك ازيك ياريس
وازيى الحكومه






الثلاثاء 25 1 2011

يوم الشعب المصرى

يوم الارادة


منقووووووووووووول من شاب بيحب مصر

بلاش نمشى وراء الناس ونقلدهم دة الريس مافيش احسن منه وبكرة تعرفوا بقمته وعيب ان انتوا تقولوا كدة والناس اللى برا تفرح فينا واحمدوا ربنا انكوا قاعدين فى بيوت بسلام وامان اللى انتوا مش لاقينوا دلوقتى دة الراجل حقق انجازات

مصر + مبارك = سلام وامان

الواحد مش ينكر انه عمل حاجات كويسة لاكن الطمع اللى فى قلب الانسان

لما بيمتلك كرسى الرئاسة جعله وحش فى عيونا ثم اختلاف الرأى لا يفسد للود قضية

انتى ليكى رأى وغيرك ليه رأى اخر

شكرا لمرورك

العفو بس الراجل مش عمل ليكوا حاجة غلط الدور والباقى على كل انسان يبقى معاه الفلوس ويروح يصرفها فى اللى ملهوش لزمة وبعد كدة يقول الريس

وانتى عندك حق(اختلاف الرأى لا يفسد للود قضية)


وعلى العموم ربنا ينزل غضبه على كل اللى رايحين يعملوا مظاهرات من غير ما يعرفوا اية المطالب واللى ماشين ورا الدماغ الفاضية اللى بتبعدهم عن الدين و الشريعة اللى بتخليهم يخوفوا الناس ويخلوهم مرعوبين فى بيوتهم وكل اللى علينا ان احنا نصبر عشان ربنا قال الصبر مفتاح الفرج وادينى مستنية الفرج

اة وعلى فكرة مش تقولى ان حد هو اللى قال لى الكلام دة انا ولاول مرة اكتب حاجة تكون من دماغى بس مش متخلطة مع دماغ حد تانى

شكرا لمرورك

حمه الله وبركاته
انا عمرو اللمعى كاتب قصيدة ازيك ياريس وازيى الحكومه

انا داخل مخصوص علشان اشكر حضرتك على امانتك فى النقل
ليا عظيم الشرف انى انضم للمنتدى
كلمه قولتيها
فى الاخر منقوله من شاب بيحب مصر

عايز اقولك ان جسمى قشعر وانا بقراها وشوفتها اجمل من قصيدتى

اشكرك جدا على امانتك

لى عظيم الشرف واشكرك جد

وبارك الله فيك

وجزاك الجنه

شرف المنتدى بوجودك اخى وتشرفنا بوجودك معنا ولاكن هذا ليس بجدبد ان ننسب الحق لصاحبه فانت فى منتديات النجوم ومن واجبنا ان ننسب الحق لصاحبه

شكرا جدا امير الكلمه وتشرفت بوجودى فى المنتدى