محكمة...........و المتهمة ..انا

كان يوم غريب !!


كنت في وسطهم ومحدش حاسس اني كنت في محكمة ..

وابتسامتي مجرد ستار عليها ..

القاضي ضميري والمتهم انا ... والضحية نفسي

هتفت باعلى صوتي جوايا على امل ان القاضي يسمع ويتعاطف مع ضعفي

بس للأسف كان اسمو ضميري !!


" ليه ظلمتي نفسك ؟! "

كانت عبارة بتتردد في مخيلتي وكل شوية تزيد وتعلا ..

وانا اصرخ من الالم .. ومحدش حاسس بيا !!

رديت
:
" انا
مظلمتش حد .. انا كنت بحاول اكسب ناس تستاهل عطائي وحبي "


قالي القاضي
" والنتيجه ؟! "

مردتش .. وفي لحظة صرخت ودموعي كادت تنفجر من جفوني


" باعوا كل حاجه .. وحاولت اني اسيب ذكرى حلوة "


وبكل قسوة رد
" فقللتي من شأن نفسك وظلمتيها لسبب ميستاهلش "

كانت عبارة قاتله .. حسستني بالموت لوهلة

حكم القاضي باعدام احساسي المفرط بالثقة في الغير ..

وقرر اجباري على اتباع مقولة
" افترض سوء النية لحين ثبوت العكس "


كان حكم قاسي .. وقتل فيا حاجات كتير وذكريات جميلة كنت اتمنى اني احتفظ بيها

بس آمنت بعدها ان مهما كانت الذكريات جميلة ..

ففي لحظة شخص باعها وميستاهلش مجرد التفكير فيها


" ايه بس !! فينك ؟ "


عباره عابرة قالتها اختي .. ومكانتش عارفه ان بالكلمة دي رجعت لي الأمل تاني

الامل بان دايما في ناس حاوليا تستاهل حبي .. تستاهل بجد اني ارد عليها


" معاكي يا حبيبتي "